O alcalde de Nigrán e deputado provincial, Alberto Valverde, presentou hoxe á Deputación de Pontevedra dous proxectos para mellorar a seguridade viaria en Nigrán, dentro do Plan Provincial de Obras e Servizos 2015, cun investimento global que ascende a 221.957,19 euros, e que afectan a oito viarios das parroquias de Nigrán, San Pedro, Panxón e Priegue.
Un dos proxectos contempla o asfaltado de sete camiños en Nigrán, Panxón e Priegue, cun investimento estimado en 195.963,86 euros. Máis concretamente, as actuacións de mellora da seguridade viaria afectan a cálelas Alcalde Manuel Alonso e Vilameán (Nigrán); Jesús Espinosa, Gondomar e Area Alta (Panxón); e Rouxo, Camiño Vello, Condomínguez e Antonexas (Priegue).
O segundo proxecto inclúe a mellora da seguridade viaria na Avda. Praia América, na contorna do campo de fútbol de Montelourido e o cruzamento coa PO-552, cun investimento de 25.993,33 euros. O proxecto contempla o asfaltado e repintado da sinalización horizontal, que permitirá reordenar o tráfico rodado na zona, mellorando a seguridade viaria tanto para vehículos como para peóns, ao dar continuidade á senda que discorre entre Praia América e Montelourido.
