Vive Nigrán
Queremos propoñerlles ideas para que aproveite o seu tempo de lecer da mellor maneira posible durante a súa visita, tanto se só está de paso, coma se vén pasar o día ou realiza unha estancia curta.
Se a súa estancia vai alongar máis de dous días, pode vostede planificar o resto combinando as visitas ao patrimonio cultural con algunha das nosas rutas e gozando das nosas Praias e campiña.
Se ademais queremos ir máis aló e participar na vida cultural e social do municipio, non debemos esquecer comprobar o calendario de festas e tradicións cando planifiquemos a nosa estancia, e se o fai en época estival, tamén a variada programación de actividades e eventos de todo tipo que organiza o concello cada verán.
Terá toda a información dispoñible no resto de apartados deste Site, incluíndo descargas de planos e folletos.
Plans
Vive Nigrán en 1/2 día
- Panxón
- Pazos e Petróglifos
- Dende a montaña ata o mar
Vive Nigrán en 1 día
Vive Nigrán en 2 días
Festas patronais e tradicionais
Aínda que co paso dos anos van perdendo as súas funcións e o seu sentido orixinal, as festas e tradicións de Nigrán conservan un interese cultural e etnográfico que, unido ao seu patrimonio fálanos do carácter que forxou a personalidade dos seus habitantes. Desde aquí convidámoslle a participar nas nosas tradicións e festexos.
Rutas
Nigrán conta con seis rutas de sendeirismo circulares, que percorren a campiña; ademais a “Senda Azul” discorre polo litoral desde Panxón Montelourido e o Camiño de Santiago Portugués pola Costa atravesa o termo municipal.
