Visita Nigrán
Verdes campiñas, montes, praias de branca area, patrimonio, cultura, gastronomía e historia son algunhas das moitas marabillas que o visitante atopará no noso municipio.
O termo municipal conta cun patrimonio cultural e natural de gran riqueza e moi diverso. Desde o sorprendente gran hórreo de dúas plantas do Pazo de Pías ata petróglifos da Idade de Ferro en Chandebrito e os castros de Panxón e Chandebrito. Desde fermosas paraxes ata especies como a píntega rabilonga, endémica de Galicia e norte de Portugal, e aves mariñas protexidas como a píllara papuda ou o corvo mariño cristado.
Patrimonio cultural
Temos testemuños da presenza continua de poboadores no noso municipio desde antes da época Castrexa, como o demostran os numerosos petróglifos que existen e que son anteriores aos castros de Chandebrito e Panxón. Desde eses tempos ata os nosos días, o home foi deixando pegadas do seu paso en forma de legado cultural. Edificios e obras relixiosas e civís salpican o municipio e dannos pistas dos costumes e usos dos seus creadores.
Patrimonio natural
