Onde comer

Nigrán é en esencia un municipio costeiro, polo que os produtos do mar acaparan en boa medida a súa oferta gastronómica.

Pequenas embarcacións de baixura descargan as súas capturas nas lonxas de Baiona e Nigrán. Linguados, douradas, robalizas, rodaballos, rapantes, polbo, centolas e nécoras, entre outros, pratos habituais nas cartas dos restaurantes locais.

Pero o marisco, sen dúbida, constitúe o gran atractivo da gastronomía en Nigrán, grazas ás características tan particulares desta costa, rica en nutrientes e en augas limpas.