Servizos Sociais – Maiores
As persoas maiores son un dos sectores de poboación que presentan maior número de necesidades.
Dependencia
A Lei 39/2006 de promoción da autonomía persoal e atención ás persoas en situación de dependencia ten por obxecto regular as condicións básicas que garantan a igualdade no exercicio do dereito subxectivo da cidadanía á promoción da autonomía persoal e atención ás persoas en situación de dependencia. O Sistema para a Autonomía e Atención á Dependencia responderá a unha acción coordinada e cooperativa da Administración Xeral do Estado e as Comunidades Autónomas, que contemplará medidas en todas as áreas que afectan as persoas en situación de dependencia, coa participación, no seu caso, das Entidades Locais. Polo que a través do Concello poderá ser tramitada a valoración do recoñecemento do grao de dependencia.
Axuda a domicilio
A axuda no fogar é un servizo público que ten a consideración de prestación básica, de servizos sociais de atención primaria insere no sistema integrado de servizos sociais, de carácter complementario e transitorio, que non exime ás familia, con planificación, coordinación e control público, que a través de persoal cualificado e supervisado presta (a nivel preventivo, educativo, asistencial e rehabilitador) unha serie de atencións ou coidados de carácter persoal, psicosocial e educativo, doméstico e técnico, ás familias e persoas con dificultades para procurar o seu benestar físico, psíquico e/ou social, proporcionándolle a posibilidade de continuar na súa contorna natural, mentres iso sexa posible e conveniente. /p>
Existindo os seguintes tipos:
- Axuda a domicilio ligada a Dependencia.
- Axuda a domicilio de libre concorrencia.
Teleasistencia
A teleasistencia é unha prestación social de natureza tecnolóxica que, a través dunha liña telefónica e cun equipo de comunicacións e informático específico, permite ás persoas usuarias poñerse en contacto cun centro de atención de chamadas que conta con persoal especializado para dar resposta ás necesidades expostas de forma ininterrompida todos os días do ano e a calquera hora.
Obxectivos:
- Xeneral: a permanencia das persoas usuarias no seu medio habitual de vida e o contacto co seu contorno socio-familiar, así como a garantía dunha intervención inmediata en situacións de crises persoais, sociais ou médicas.
- Específico: a actuación no propio domicilio en situacións de emerxencia, mobilizando os recursos que sexan necesarios e o recordatorio para a realización de actividades ou tarefas concretas da vida cotiá (visitas médicas, toma de medicinas, etc.).
Pensión non contributiva de xubilación
A Pensión non Contributiva de Xubilación é unha prestación económica que se concede a todos aquelas persoas que se atopan en situación de necesidade, carezan de recursos suficientes e non cotizasen nunca ou non teñan o tempo mínimo de cotización para poder solicitar a pensión de Xubilación Contributiva.
REQUISITOS
1) Non ter dereito a solicitar a pensión de Xubilación no nivel Contributivo por non cumprir os requisitos.
2) Ter 65 ou máis anos.
3) Ter ingresos inferiores a 5.164,60 € ao ano, importe que se actualizou este ano 2017. Con todo, aínda que os ingresos do solicitante sexan inferiores a 5.164,60 € ao ano, se o solicitante convive con familiares cumprirase o requisito cando a suma das rendas de todos os membros da unidade familiar, sexa inferior ás contías recollidas en cada caso concreto, conforme ás táboas que se detallan no apartado de “carencia de rendas ou ingresos”.
4) Residir legalmente en España.
CONTÍA
A pensión non contributiva íntegra é de 368,90 euros ao mes, por exemplo para unha persoa que non tivese outros ingresos e vivise soa. Logo, en cada caso, hai que recalcular o importe mensual tendo en conta as persoas que conviven e se teñen ou non ingresos, co que o importe mensual pode ser inferior ou superior, ata os topes dos que falamos.
Programa de estimulación cognitiva e funcional en demencias neurodegenerativas tipo Alzhéimer
Os datos de persoas con demencia en Galicia segundo a Organización Mundial da Saúde son de 102.311 persoas dos cales entre o 60 e 70 % son Demencia tipo Alzheimer , cun ritmo de crecemento de preto de 6.000 casos por ano. Sendo a cifra para a provincia de Pontevedra de 30.497 persoas diagnosticadas e para o Concello de Nigrán de 518 persoas diagnosticas, supoñendo preto do 3% da poboación maior de 65 anos. Trátase de procesos neurodegenerativos lentos pero que conducen á perda irreversible das funcións cognitivas, o que desemboca, en definitiva, nunha perda progresiva da capacidade de valerse por si mesmas, ata a total dependencia, feito este que converte ás persoas diagnosticadas de Alzheimer nun dos grupos máis vulnerables da sociedade.
A través deste programa búscanse os seguintes obxectivos:
– Ofrecer un servizo integral e especializado aos enfermos mediante distintas terapias.
– Promover que a persoa con deterioración manteña o maior tempo posible a súa autonomía persoal.
– Promover a actividade de estimulación para manter e/ou mellorar o rendemento cognitivo e funcional da persoa.
– Fomentar as relacións sociais.
– Evitar o illamento social.
Dende o punto de vista dos familiares, os obxectivos perseguidos son os seguintes:
– Prestarlles o apoio psicolóxico ou de calquera outro tipo que poida ser útil ás familias.
– Facilitarlles información social e legal
– Formar aos familiares/coidadores.
Para solicitar a participación neste programa debe facer a correspondente solicitude no rexistro deste Concello, achegando informe médico onde se indique que a persoa que participará nel foi diagnosticada dalgún tipo de demencia neurodexenerativa (Alzheimer, Corpos de Levi, Vascular…)
Talleres Envellecemento activo
O obxectivo de potenciar as capacidades e habilidades nas persoas maiores para un bo envellecemento e unha prevención da dependencia. O envellecemento é unha etapa máis da vida. Nesta etapa igual que noutras prodúcense cambios físicos, psicolóxicos e sociais. Aínda que durante moito tempo equiparouse o envellecemento a un período de perdas, comprobouse que hai funcións ou capacidades que manteñen a súa actividade ou mesmo poden chegar a mellorar grazas á posta en práctica de determinados estilos de vida.
Actualmente ofrécense os seguintes talleres:
- Memoria
- Expresión corporal
- Actividades socio-relacionais
- Informática
Programa de respiro familiar ou estancias temporais
Co obxectivo de poder gozar dun tempo de lecer, así como descansar, están a impulsarse accións dirixidas a garantir a posibilidade de que as persoas en situación de dependencia e os seus coidadores/ as poidan acceder a estancias temporais en equipamentos residenciais (quincenais ou de fin de semana), así como compatibilizar a libranza de coidados no contorno familiar co servizo de axuda no fogar.
Os programas de respiro familiar ou estancias temporais enténdense como un servizo de carácter preventivo que consiste en ofrecer aloxamento temporal en centros residenciais a persoas en situación de dependencia, de forma que os coidadores poidan “descansar”
O coidador principal, é dicir, a persoa da familia que se encarga de coidar ao familiar:
- contrae unha gran carga física e psíquica
- responsabilízase da vida do enfermo: medicación, hixiene, coidados, alimentación, etc.
- desaténdese a si mesmo: non toma o tempo libre necesario para o seu lecer, abandona as súas afeccións, non sae coas súas amizades, etc.
Os centros residenciais ofrece estancias de respiro familiar, nos centros para que os maiores poidan aloxarse por un espazo de tempo concreto, coas mesmas atencións e prestacións que se fosen residentes de longa estancia (atención médica e enfermería, terapia ocupacional, rehabilitación, menús personalizados, lavado e pasado o ferro de roupa, etc.), desta forma o coidador dispón de tempo para si mesmo.
Programas termais: Programa Depotermal (Deputación de Pontevedra), Benestar en balnearios (Xunta de Galicia) e Termalismo social (IMSERSO)
Turismo social (Xunta de Galicia e IMSERSO)
O Programa de Turismo Social concíbese como un servizo complementario que ten por obxecto proporcionar ás persoas maiores estancias en zonas de costa e turismo de interior, contribuíndo con iso a mellorar a súa calidade de vida, a súa saúde e a prevención da dependencia.
Os usuarios poderán ir acompañados polo seu cónxuxe ou, no seu caso, por parella de feito ou persoa coa que se constitúe unha unión estable e de convivencia con análoga relación de afectividade á conxugal, sen necesidade de que estes reúnan algún dos requisitos esixidos no punto 1. Así mesmo, poderán ir acompañados dos fillos con discapacidade, en grao igual ou superior ao 45 por cento, sempre que viaxen cos seus pais e alóxense na mesma habitación.
Poderán acceder ao programa:
1. Residentes en España: poderán participar as persoas residentes en España que reúnan algún dos seguintes requisitos:
a) Ser pensionista de xubilación do Sistema de Seguridade Social.
b) Ser pensionista de viuvez con cincuenta e cinco ou máis anos de idade do Sistema de Seguridade Social.
c) Ser pensionista por outros conceptos ou perceptor de prestacións ou subsidios de desemprego, con sesenta ou máis anos de idade.
d) Ser asegurado ou beneficiario do Sistema de Seguridade Social, con sesenta e cinco ou máis anos de idade.
Centro da 3ª Idade de Ramallosa
O centro da Terceira Idade de Ramallosa, é un espazo dispoñible para todos os maiores do municipio.
Punto de encontro diario onde poderán atopar un extenso abanico de oportunidades para o seu desenvolvemento persoal, a súa participación en actividades lúdicas e a ampliación das súas redes de relación e amizade.
