Servizos Sociais – Inclusión Social
Renda de inclusión social de Galicia (RISGA)
A renda de inclusión social de Galicia é unha prestación pública destinada a garantir recursos económicos de subsistencia a quen careza deles, así como a conseguir progresivamente a súa autonomía e integración social e laboral, mediante o dereito e o deber de participar en procesos personalizados de inserción con apoio técnico e financeiro do Sistema galego de servizos sociais e do Sistema público de emprego de Galicia.
Requisitos xerais de acceso
Terán dereito a solicitar a renda de inclusión social de Galicia as persoas que se atopen nunha situación tecnicamente valorada de exclusión social ou en risco de exclusión, e reúnan os seguintes requisitos:
- Ter residencia efectiva e constatada polos servizos sociais comunitarios polo menos durante os seis meses anteriores á presentación da solicitude de valoración.
- Ter residencia legal.
- Ter máis de 25 anos.
- Dispoñer na unidade de convivencia de ingresos inferiores ao tramo persoal e familiar que lle correspondería e, ademais, non dispoñer de bens patrimoniais dos cales se deduza a existencia de medios suficientes para a subsistencia.
- Que non existan persoas legalmente obrigadas e con posibilidade de prestarlles alimentos de acordo coa lexislación civil.
Axudas Emerxencia Social
Son aquelas axudas económicas de pago único, destinadas a cubrir necesidades básicas e urxentes en situacións persoais ou familiares de emerxencia social (considerando situacións de emerxencia social aquelas que orixinan os gastos extraordinarios dunha familia como o mantemento da vivenda habitual, a subsistencia e outros gastos non cubertos polos diferentes sistemas de protección social).
Destinatarios:
Persoas en situación de risco de exclusión social
Requisitos:
- Ser maior de idade.
- Estar empadroado/a e ter residencia efectiva en calquera dos Concellos da Comunidade Autónoma de Galicia.
- Non dispoñer de ingresos suficientes para afrontar os gastos derivados da situación de emerxencia. (Ingresos non superiores ao 125% do importe do subsidio básico máis o complemento familiar da RISGA que lle correspondería).
En ningún caso poderase conceder máis dunha axuda para situación de emerxencia social por unidade de convivencia ao ano.
Prazo de presentación:
Todo o ano.
Axudas Emerxencia Social Municipal
Estas axudas teñen como obxecto satisfacer necesidades pecuniarias valoradas dos individuos e das familias que se atopen en situacións carenciales, así como estimular a súa incorporación social e laboral. Beneficiarios: Poderán ser beneficiarios destas axudas as persoas individuais ou unidades familiares que, reunindo os requisitos de acceso, así o soliciten.
Requisitos:
- Ser maior de idade ou menor emancipado.
- Estar empadroado e ter residencia efectiva no municipio de Nigrán cunha antelación mínima de seis meses.
- Non dispoñer de ingresos suficientes para afrontar os gastos derivados da situación de emerxencia social.
- Que os ingresos da unidade familiar non poderán superar os seguintes límites:
- Nº Membros _________Límite ingresos (€/mes)
1 ———————————– 532,51
2 ———————————– 665,64
3 ———————————– 798,77
4 ———————————— 985,15
5 ———————————– 1.171,53
6 ———————————- 1.384,53
7 ———————————– 1.597,53
8 ———————————- 1.840,53
9———————————– 2.023,53
10 ——————————— 2.236,53
Gastos subvencionables:
- Uso e goce da vivenda habitual:
* Pago de aluguer ou hipoteca.
* Pago de fianza e primeira mensualidade para aluguer de vivenda.
* Pago de gastos de comunidade.
* Necesidades orixinadas polo desaloxo da vivenda habitual.
- Mellora da habitabilidade da vivenda habitual:
* Equipamento
* Electrodomésticos
* Acondicionamento sanitario
* Reparacións e/ou reformas en xeral
- Necesidades básicas: alimentación, vestido, coidados sanitarios, próteses, órtesis, axudas técnicas
- Outros gastos
Prazo de presentación:
O prazo permanecerá aberto durante todo o ano.
Importes máximos:
- Uso e goce da vivenda habitual: 450 €
- Mellora da habitabilidade da vivenda habitual: 800 €
- Necesidades básicas: 500 €
- Outros gastos: 800 €
