Sanidade e saúde
Entendemos como cidade saudable aquela que ademais de buscar facilitar o benestar físico, psíquico e social da xente que vive nela, de ser consciente de que a saúde dos seus cidadáns é importante, tamén mantén unha actitude activa e unha vontade constante para preservar e sobre todo mellorar o nivel de saúde da súa poboación, mediante un proceso continuo de actividades e a creación de estruturas para o seu desenvolvemento.
Programa de charlas
A área de Sanidade do Concello de Nigrán ofrecerá ao longo do ano diversas charlas sobre materias específicas da saúde.
As conferencias, ofrecidas por profesionais e especialistas, serán gratuítas e abertas ao público en xeral. As mesmas versarán sobre temas de interese xeral como a diabetes, o Alzheimer, a hipertensión, patoloxía da mama, planificación familiar sobre embarazos e anticonceptivos, ou calquera outra temática que poida estar de actualidade ou poida considerarse de interese social.
Parques biosaludables
Os parques biosaudables defínense como espazos situados nos concellos, compostos por diferentes equipos de ximnasia, que permiten manter a forma física e previr ou tratar diferentes doenzas ou lesións concretas. Están deseñados para a práctica de exercicio físico de adultos a partir de 40 anos e son especialmente recomendables para maiores de 60 porque lles permiten mellorar a mobilidade, aumentar a flexibilidade e tonificar a musculación de todo o corpo.
Análise de fontes
A Concellería de Sanidade realiza trimestralmente controis analíticos ás augas dos mananciais das aproximadamente 150 fontes públicas catalogadas no Municipio.
