Un Nigrán para todos
Programa posto en marcha desde a colaboración entre o Centro Juan María e o Concello de Nigrán, xunto a outras persoas particulares expertas en distintas áreas de coñecemento, co obxectivo de promover a INCLUSIÓN das persoas con discapacidade intelectual mediante o desenvolvemento de accións informativas, formativas, de análises, de adaptación, de validación e divulgativas de interese social sobre a ACCESIBILIDADE UNIVERSAL e participando de forma activa nun grupo de traballo, en materia de accesibilidade, co Concello de Nigrán para ADAPTAR espazos na zona.
Para que?
1) Para facer partícipe e coñecedora á sociedade da realidade e capacidades das persoas con discapacidade intelectual.
2) Para favorecer a interacción das persoas de persoas con discapacidade intelectual coa contorna mediante o proceso de mellora da accesibilidade dos espazos.
3) Para favorecer a toda a sociedade (persoas con discapacidade intelectual, estranxeiros, persoas maiores) no acceso aos servizos da comunidade, adaptando espazos para que a información chegue a máis persoas.
Como se está facendo?
Existe un gran descoñecemento sobre as barreiras que atopan as persoas con discapacidade intelectual á hora de acceder á contorna que lles rodea.
- As barreiras físicas impiden o acceso físico a determinados espazos.
- As barreiras sensoriais impiden o acceso á información a través dos sentidos.
- As barreiras cognitivas impiden a comprensión da contorna e os seus elementos.
Nós consideramos moi importante e XA ESTAMOS a FACER:
REALIZANDO XORNADAS INFORMATIVAS E CHARLAS
sobre a importancia da accesibilidade universal e dando a coñecer a Lei de accesibilidade de Galicia con entrada en vigor marzo 2015.
CREANDO DUN GRUPO DE TRABALLO
formado por persoas do Concello de Nigrán, persoas colaboradoras e persoas do Centro Juan María para analizar e adaptar a contorna de Nigrán.
As propostas de mellora son o resultado das achegas doutros GRUPOS DE TRABALLO que se crearon sobre accesibilidade universal:
- Grupo de observación: Persoas con discapacidade acompañados pos diferentes profesionais do Centro, visitan diferentes espazos (actualmente o edificio do Concello de Nigrán) e cobren unha ficha de observación.
- Grupo de análise: Persoas con discapacidade acompañadas por un profesional do Centro visitan diferentes espazos (actualmente o edificio do Concello de Nigrán) que contrastan a ficha de observación trasladando datos á ficha de análise e como se podería mellorar propoñen adaptacións de textos informativos, de espazos e máis.
- Grupo de validación: Persoas con discapacidade acompañadas por un profesional do Centro validan as propostas de mellora antes de levala á mesa de traballo no Concello.
COMPARTINDO E UNINDO O noso TRABALLO A OUTRAS ENTIDADES para que o alcance da conciencia da accesibilidade sexa maior.
Por que?
A accesibilidade á información é hoxe en día una das primeiras liñas de traballo de moitas entidades que traballan con persoas con discapacidade. O reto destas entidades é conseguir que o acceso á información non sexa un obstáculo engadido para a inclusión de calquera persoa con discapacidade.
Cando se fai referencia ás necesidades de accesibilidade, ademais das físicas e sensoriais, documéntanse as seguintes como as máis comúns e necesariamente abordables, pero a miúdo NON se contemplan:
- Cando algunha persoa está nun país que non é o seu e non entende a lingua local
- Iconas ou señalética non habitual ou confusa
- Persoas con dificultades para entender planos e esquemas
- Persoas con dificultades para orientarse
- Persoas que non saben ler
- Nenos pequenos, con pouco vocabulario e poucas destrezas intelectuais
Existe unha necesidade de crear conciencia das necesidades reais de persoas con discapacidade intelectual en canto a accesibilidade, de crear ferramentas accesibles e dun deseño universal, do cal todas as persoas poderían beneficiarse, teñan discapacidade ou non.
