Educación
No Centro Juan María teñen a misión de mellorar a calidade de vida das Persoas con Discapacidade Intelectual e as súas familias, cubrindo as súas necesidades e expectativas a través dunha xestión e uns servizos de calidade.
Como o fan?
Ofrecemos un servizo próximo e profesional baseado na Mellora Continua.
- Potenciamos a participación e implicación dos usuarios, familiares e profesionais.
- Queremos ser unha Asociación innovadora dentro do sector da discapacidade con capacidade de resposta ante as necesidades dos usuarios, familias e profesionais.
Que servizos ofrecen?
O seu traballo baséase en iniciativas sostidas de mellora e innovación a través dun traballo en equipo orientado cara ao desenvolvemento inclusivo das persoas con discapacidade intelectual.
- Centro educativo
- Centro de día
- Centro ocupacional
- Atención a familias
- Outros servizos
Máis información
As Agullas, 12. Parada-Nigrán (Pontevedra)
986 386 914 (Horario de 9:30 a 17:30)
A Fundación Menela constitúese no ano 1989 na cidade de Vigo, como evolución natural da traxectoria iniciada 12 anos atrás no Centro Menela na parroquia viguesa de Coruxo, auténtico xerme da entidade. En aqueles inicios, cinco nenos e nenas con Autismo que recibían atención escolar nun pequeno local, deron lugar a actual Rede de Centros e Servizos da Fundación, que presta atención continuada a un total de 85 usuarios, aos que hai que engadir outros 120, aproximadamente, que reciben servizos esporádicos ao longo do ano.
O Centro Castro Navás, situado na parroquia de Priegue no Concello de Nigrán, acolle a persoas maiores de 16 anos con Trastorno do Espectro do Autismo en réxime de media pensión e distintos tipos de estancias de residencia, con e sen fin de semana.
O Centro presta aos seus usuarios servizos como:
- Terapia ocupacional
- Axuste persoal
- Axuste social
- Actividades de ocio dirixidas a reforzar as habilidades de inclusión social e desenvolvemento autónomo dos participantes.
Como resultado dos Proxectos Europeos Horizon II e III nace, en 1998, CASTRO NAVÁS SL. O obxecto social da empresa é dar resposta á falta de recursos existentes no ámbito laboral para persoas con discapacidade e ofrecer un servizo á comunidade na que se asenta, promovendo actividades económicas nas que as persoas con e sen TEA compartan equipos de traballo e responsabilidades.
Coa súa creación Castro Navás defende unha estratexia de inclusión laboral baseada no emprego ordinario nun contorno laboral favorable, onde as persoas con e sen discapacidade se apoian mutuamente implicándose de igual xeito no éxito do proxecto. A empresa Castro Navás SL actúa nas seguintes áreas:
- Lavandería industrial
- Produtos para agasallo
- Área agropecuaria
Máis información
Rúa Navás, 11 – Priegue- Nigrán
986 365 558
