Obradoiros para maiores

O Concello de Nigrán, a través da concellaría de Benestar Social, pon a disposición dos maiores de 60 anos, pensionistas e empadroados en Nigrán unha serie de obradoiros, nos que se dará preferencia a aqueles veciños que non participasen en anteriores edicións.

Os obradoiros ofertados, que se impartirán no Centro da Terceira Idade da Ramallosa, serán de “Iniciación á estimulación da memoria”, os martes; “Mantemento da memoria”, os xoves; e “Vivir o corpo” e “Informática”, os martes e xoves, estando os horarios específicos de cada un deles pendentes de confirmación.

As persoas interesadas en participar deberán dirixirse ao Departamento de Servizos Sociais, previa cita no teléfono 986 36 50 00, entre os días 10 e 20 de marzo. As prazas son limitadas.