O mal tempo previsto para mañá obriga a pospor o concurso de comparsas até o vindeiro venres, 20 de febreiro, que terá lugar na chaira de Praia América a partir das 17.30 horas. Así mesmo, os inchables e xogos infantís que se ían a instalar o domingo no parque infantil de A Ramallosa trasladaranse ao Pavillón Municipal de Deportes de Panxón, entre as 17.00 e as 20.00 horas.
O resto de actividades previstas mantéñense. Por tanto, os máis pequenos da casa serán os protagonistas na xornada do luns, co concurso infantil de disfraces no Pavillón Municipal de Deportes de Panxón, a partir das 17.00 horas. Á mesma hora o martes, a instalación municipal acollerá uns talleres infantís de circo.
O enterro da sardiña, o mércores 18 a partir das 18.30 horas pechará a programación deste ano, cunha comitiva que percorrerá as rúas da Ramallosa antes de proceder ao pregón e á queima da sardiña.
