Nigrán presenta PortAmérica como novo escaparate para proxectar a imaxe turística do municipio

O alcalde de Nigrán, Alberto Valverde, acompañado pola Secretaria Xeral de Turismo, Nava Castro, a concelleira de Turismo, Cultura e Deportes, Liliana Silva, e o director de PortAmérica, Joaquín Martínez Silva, presentou na tarde de hoxe o municipio como destino turístico de calidade na Feira Internacional de Turismo FITUR 2014, que durante estes días celébrase en Madrid.

É a primeira vez que Nigrán acode a un dos escenarios profesionais de promoción turística máis destacados a nivel internacional, e fíxoo cun espazo propio, dentro da programación de Turgalicia, dando continuidade á campaña “Descobre Nigrán”, posta en marcha polo goberno municipal en 2012.

Praias, natureza e patrimonio
As praias, a natureza, o patrimonio histórico e cultural e a gastronomía foron os argumentos esgrimidos polo rexedor municipal para captar novos visitantes. “O obxectivo da campaña Descobre Nigrán é pór en valor estes atributos innatos do noso municipio, que ven complementados cunha ampla e variada oferta de esparexemento ao longo de todo o ano, que ten o dobre obxectivo de fortalecer a oferta en actividade turística, hostaleira e comercial, para que, especialmente os nosos visitantes, gozar dunha experiencia agradable e incomparable”, sinalou o rexedor municipal. Valverde subliñou na súa intervención “ao longo de todo o ano, porque como municipio turístico que somos, este é un dos alicerces e principal motor da economía local”.

“Toda esta oferta turísticas e alternativas de lecer e esparexemento de Nigrán están perfectamente encaixadas para ofrecer a visitantes e turistas un paquete completo, para todos os gustos e adaptado a todos os públicos, desde os máis pequenos da casa até os máis maiores”.

“A isto, sumar a súa localización, a só cinco horas da capital e a escasas tres das provincias castelás limítrofes con Galicia, circunstancia que converte aos areais das Rías Baixas, e de Nigrán, nas praias de Castela”, engadiu Valverde.

PortAmérica, un novo aliciente
A toda esta riqueza, beleza e paisaxe, xa de seu argumentos sólidos para descubrir Nigrán, sumar PortAmérica, un evento que aproveita o poder dinamizador da cultura para conectar Europa con América, co fin de atopar novas fórmulas de progreso económico e social a ambos os dous lados do Atlántico, e cuxo éxito se manifesta en cifras, con máis de 16.000 e 19.000 acodes asistentes nas súas dúas primeiras edicións.

“Un proxecto completo e ambicioso que temos a honra de poder ofrecer no noso municipio, que nos permite ofrecer novas opcións de lecer e esparexemento, e que dá a Nigrán un novo sinal de identidade pola que apostamos desde o primeiro día, e seguiremos facéndoo”, afirmou Valverde.

“En definitiva, un evento que sen ningunha dúbida nos axudará a proxectar a nosa imaxe en todo o territorio nacional e, sen dúbida, un escaparate inmellorable para un municipio novo, activo, acolledor, agradable e hospitalario”, conclúe o rexedor municipal.