Nigrán pospón o concurso de comparsas polo mal tempo

O mal tempo obriga a pospor o concurso de comparsas previsto para hoxe ao próximo venres 27, a partir das 19.00 horas na Avda. Praia América, e contará coa participación de catorce comitivas integradas por máis de 1.000 persoas, que se disputarán os 2.850 euros en premios.

Entre as comparsas inscritas atópanse “Piratadas por un tubo”, da escola de danza Marcando Pasos e a Asociación de Veciños A Unión de San Pedro; a comitiva “Ciklon”, de Tomiño; “Moulin Rouge”, de Mos; “Os terribles de Tebra”, de Tomiño; “Sete artes para un entroido”, de Mañufe; “Fantasía de primaveira”, da Asociación de Veciños Parada Miñor; e “O imperio do rei escorpión”, de Gondomar.