INSCRICIÓN OBRADOIRO LUNS 26 DE DECEMBRO
INSCRICIÓN OBRADOIRO MARTES 27 DE DECEMBRO
O CONCELLO DE NIGRÁN OFRECE O 26 E 27 DE DECEMBRO SENDOS OBRADOIROS DE MANUALIDADES PARA CRIANZAS DE 7 A 14 ANOS
Os asistentes, que deben estar empadroados no municipio, elaborarán e pintarán unha figura do cachalote ‘Balmi’ de Praia América
Nigrán, 21/12/22.- O Concello de Nigrán, dentro da súa programación especial de Nadal, ofrece o 26 e 27 de decembro no Auditorio Municipal sendos obradoiros de manualidades para crianzas de 7 a 14 anos empadroadas no municipio, sendo preciso inscribirse previamente a través do formulario web en www.nigran.es . A actividade destes dous días, dirixida por Nanda Misa, está limitada a unha ducia de plazas e estenderase de 17:00 a 19:00 horas. Consistirá na elaboración e pintado dun pequeno cachalote réplica de ‘Balmi’ (a particularidade da escultura é que está realizada ao 100% con lixo aparecido nas nosas costas, por iso pretende ser un símbolo do compromiso de Nigrán coa sostibilidade e o respecto medioambiental). O obxectivo do Concello é ofrecer ocio de calidade ás crianzas ao tempo que se favorece a conciliación laboral e familiar durante as vacacións do Nadal.
