PROXECTO GALP ‘RECUPERANDO O LITORAL’
ACCIÓNS DE MELLORA PATRIMONIAL E AMBIENTAL DE PRAIA AMÉRICA E PANXÓN
“RECUPERANDO O LITORAL. ACCIÓNS DE MELLORA PATRIMONIAL E AMBIENTAL DE PRAIA AMÉRICA E PANXÓN”
O Concello de Nigrán obtivo a maior puntuación do GALP Ría de Vigo-A Guarda na convocatoria 2020 para subvencionar con 45.451,23€ o proxecto ‘Recuperando o litoral. Accións de mellora patrimonial e ambiental de Praia América e Panxón’. O proxecto consistíu na mellora da accesibilidade e mellora ambiental en Praia América, coa instalación dun observatorio de aves na zona de protección ambiental da desembocadura do río Muíños, adaptación da pasarela de madeira e da varanda existentes, e instalación de pasarelas de madeira para o acceso á praia. Completouse coa eliminación de plantas exóticas invasoras, a mellora de condicións dunha planta ameazada e a realización de actividades divulgativas e de sensibilización ambiental sobre o litoral.
Na fase da obra, como elemento integrador do proxecto, promoveuse a reutilización e aproveitamento das estruturas existentes que se atopaban en bo estado, de forma que os novos elementos siguen a mesma liña estética. Igualmente, os novos elementos engadidos están realizados en materiais acordes coa contorna (madeira, corda), e empregáronse redes de pesca fora de uso para o peche da pasarela, tratando de vincular a actividade produtiva co espazo de lecer. Tanto as ferramentas como as técnicas empregadas procuraron o menor impacto no medio, xa que se trata dun espazo de protección natural.
Observatorio de aves accesible
O observatorio de aves mide 5x 2 metros e está formado por pilares e peche de madeira para a observación da fauna na zona de protección ambiental. Actualmente non existe ningún espazo similar no municipio, e moitas aves sofren de estrés coa presenza humana. Este elemento permite a calquera persoa achegarse ao coñecemento da fauna mariña e costeira a unha distancia prudente pero o suficientemente cerca como para poder identificar as diferentes especies sen molestalas.
Ramplas accesibles
Como todos os accesos desde o sistema dunar eran de area, as persoas con discapacidade física ou mobilidade reducida tiñan problemas para achegarse, polo que se instalou unha pasarela flexible de madeira en catro puntos de acceso á praia que permite o paso de cadeiras de rodas, carriños de nenos/as ou camiñar de forma segura a persoas con muletas, bastóns, etc.
Peche mariñeiro
Emprego no cercado de sogas mariñeiras grosas para vincular a contorna coa actividade produtiva de Panxón e, ao mesmo tempo, facer fincapé no principio de sostibilidade ambiental. Substitúen aos vellos arames galvanizados.
Zonas para emprego de discapacitados
Zonas reservadas para persoas con discapacidade para facilitar o acceso mediante cadeiras de rodas.
Voluntariado para erradicar invasoras
Celebráronse tres xornadas de voluntariado
coordinadas desde Amigos da Terra destinadas a erradicar por completo das dunas a herba carniceira e a margarida africana, dúas especies invasoras con gran presenza.
Roteiros ambientais e etnográficos
Realizáronse mediante inscripción previa e limite de aforo por cuestións sanitarias, tres roteiros ambientais ao marxe das xornadas de voluntairado (que incluíron cadanseu roteiro). Estes foron por Monteferro, A Foz do Miñor e Praia América. Finalmente, realizáronse sendos roteiros temáticos, un sobre a cultura mariñeira de Nigrán e outro sobre o patrimonio etnográfico do mar.
