As actuacións de recuperación e mellora dos parques infantís da Ramallosa, Praia América e Panxón xa finalizaron. O investimento total das actuacións ascende aos 60.000 euros, provenientes do Plan de Investimentos da Deputación de Pontevedra.
As actuacións afectaron os parques públicos de maior capacidade e dimensións do municipio, realizando labores de mellora das instalacións xa existentes, pintado e reposición de xogos nun avanzado estado de deterioración, o arranxo do valado, e mesmo a substitución parcial do firme arenoso por chan de caucho, “máis seguro e hixiénico que a área”, observa Valverde.
O rexedor municipal felicita á Deputación de Pontevedra por esta iniciativa, especialmente no contexto actual, “mellorando os principais espazos de lecer e esparexemento para os máis pequenos e a calidade de vida dos veciños de Nigrán”, engade.
