O CONCELLO DE NIGRÁN OFRECE O VENRES 26 EN PRAIA AMÉRICA O SEU PRIMEIRO FESTIVAL ‘SONS D’ARDORA‘ ADICADO Á MÚSICA DE VANGARDA CON RAÍZ GALEGA OU LUSÓFONA
O festival multicultural e gratuíto reúne a recoñecidos grupos de música Galicia e países lusófonos que mesturan vangarda e tradición nas súas composicións
A partir das 18:00 horas e ata ás 22:30 horas subirán ao escenario Aparato, Mónica de Nut e Virxilio Da Silva, María Soa, Sekadra, Marta Sempre Arriba, Jara Ortiz, Tropical Boy e Dimi Ferreira. A actriz e monologuista Arantxa Treus presentará o evento.
O Concello de Nigrán estrea o 26 de Agosto en Praia América un novo festival: Sons D’Ardora, adicado a música máis vangardista dentro da tradición galega e lusófona. Así, a partir das 18:00 horas e ata ás 22:30 horas subirán ao escenario do campo de fútbol de Lourido Aparato, Mónica de Nut e Virxilio Da Silva, María Soa, Sekadra, Marta Sempre Arriba, Jara Ortiz, Tropical Boy e Dimi Ferreira. A actriz e monologuista galega Arantxa Treus presentará este evento gratuíto que nace coa intención de promover a música de raíz que bebe da modernidade. Será un festival inclusivo con intérprete de lingua de signos signando ás cancións e no que as mochilas vibratorias do Concello estarán a disposición de toda aquela persoa xorda que as solicite a través do mail info@entresignos.com ou no WhatsApp 690679675. No festival colabora a Deputación de Pontevedra e, como empresas privadas do municipio Rodosa, Prado Surf e La Abadía Mesón Restaurante.
«Sons D’ardora está adicado un tipo de música diferente á que pode cubrir Chandefolk, Nigranjazz ou Vive Nigrán, por iso ofrecemos esta proposta con estusiasmo, porque sabemos que a música tradicional de fusión ten un público ao que queremos atender», explica o alcalde, Juan González, quen alude neste sentido ao éxito das Tanxugueiras. «En Galicia somos actualmente unha potencia a nivel mundial neste tipo de música, por iso consideramos que facía falla este festival específico orientado a todo tipo de públicos», explican desde a promotora Sons D’Ardora. Con este espírito, o festival disporá de food-trucks e zona de mercado e para os máis cativos programa ‘Marta Sempre Arriba’ cun espectáculo circense e Jara Ortiz cun contacontos.
