Concerto Orquestra de Cordas de Nigrán
O CONCELLO OFRECE ESTE SÁBADO NO AUDITORIO UN CONCERTO DA ‘ORQUESTRA DE CORDAS DE NIGRÁN’
Está integrada por 23 persoas de diferentes idades formadas no método Abreu grazas aos irmáns Mario e Miguel Ángel Quiñones, venezolanos afincados en Nigrán e discípulos directos de José Antonio Abreu, recoñecido mundialmente por ser o fundador do prestixioso “Sistema Nacional de Orquestras Infantís e Xuvenís de Venezuela”.
Nigrán, 18.06.26.- O Concello de Nigrán ofrece este sábado 20 de xuño ás 20:00 horas no Auditorio Municipal o concerto da ‘Orquestra de Cordas de Nigrán’ con entrada de balde ata completar aforo. A formación está integrada por 23 persoas de diferentes idades formadas no método Abreu grazas aos irmáns Mario e Miguel Ángel Quiñones, venezolanos afincados en Nigrán e discípulos directos de José Antonio Abreu, recoñecido mundialmente por ser o fundador do prestixioso “Sistema Nacional de Orquestras Infantís e Xuvenís de Venezuela”. A orquestra, formada por violíns, violas e violonchelos tocará desde temas de Bach, Haendel, Shostakovich a música tradicional irlandesa, o famoso tango de Carlos Gardel ‘Por una cabeza’ ou a canción de Coldplay ‘Clocks’.
