Programa municipal de fomento da formación para o emprego

Plan de Bolsas municipais

A situación de crise que estamos a vivir e que afecta tan directamente ao traballo, xerando uns índices de desemprego inasumibles para o noso tecido social, é obxecto de especial atención por parte deste concello e máis concretamente do Departamento de Desenvolvemento Local. Ante os recortes que están a sufrir as políticas activas de emprego a nivel supramunicipal, o concello está a realizar un esforzo para aplicar medidas de mellora da empregbilidade enmarcadas dentro da Estratexia Europea de Emprego acordada polo Consello Europeo Extraordinario de Luxemburgo. Así, mediante esta iniciativa trátase de facilitar a adaptación das persoas desempregadas ao mercado laboral ampliando a súa experiencia e formación antes de incorporarse a un posto de traballo ordinario. O Plan de Bolsas Municipais permite ás persoas participantes adquirir calidades valoradas pola contorna empresarial mellorando as habilidades profesionais e persoais necesarias en contextos como o actual, altamente competitivas. As competencias propias dunha administración local permite que sexan varias as áreas de coñecemento ás que poden achegarse as persoas beneficiarias do programa: ámbito xurídico, cultural, turístico, financeiro… tendo en todas elas a constante atención do titor designado para garantir o adecuado desenvolvemento desta iniciativa. Este programa é de xestión completa por parte do Departamento de Desenvolvemento Local.