Aula verde
A sensibilización ambiental como método educativo
O programa “Aula Verde” de Educación Ambiental defínese como un programa de educación e sensibilización medioambiental destinado a todos os escolares de educación infantil e primaria dos colexios públicos de Nigrán, ós escolares do Centro de Educación Especial, así como ó persoal docente de cada centro escolar e as súas ANPAS correspondentes.
O programa tratará diversos temas chave relacionados coa sensibilización medioambiental e o coidado do medio ambiente como poden ser:
- Cambio climático
- Consumo responsable de produtos
- Consumo responsable da auga
- Consumo responsable da enerxía
- Fomento da eficiencia enerxética
- Reciclaxe de residuos
- Fomento e coñecemento das enerxías renovables
- Fomento e coñecemento do consumo de produtos naturais
- Coñecemento do medio natural local
- Coñecemento da biodiversidade local
Ditos temas chave serán tratados de forma transversal nas diferentes áreas deseñadas para o programa formativo e en concreto no desenvolvemento dos contidos de determinados obradoiros.
Algúns dos obradoiros son:
- Obradoiro “Sentindo o bosque no aula” con visita opcional a un parque de Nigrán ou a algún dos seus bosques.
- Obradoiro “As praias do meu concello” con visita a algunha praia de Nigrán.
- Obradoiro “Da horta ó bote” con visita a praza de abastos municipal.
- Obradoiro “Os ríos do meu concello” con visita o río Miñor ou Muíños.
- Obradoiro “Os bosques do meu concello” con visita a un bosque senlleiro de Nigrán.
- Obradoiro de enerxía hidráulica: “A turbina hidráulica” con visita a un muíño de auga de Nigrán.
