Centro Antena
O Centro Antena fundouse cos obxectivos de fomentar o desenvolvemento local a través de accións relacionadas coas novas tecnoloxías, a formación, o emprego, a dinamización empresarial e comercial, promoción de actividades socio-laborais-culturais, etc.
Nas súas instalacións conta cunha sala de novas tecnoloxías con conexión a Internet banda ancha 10 Mbps, con 16 equipos (dous adaptados para persoas con discapacidades); sala de formación, reunión e exposición con capacidade para 65 persoas; orientación laboral; aulas de formación con capacidade para quince persoas e unha área de recepción e atención ao público. Tamén pon a disposición doutros departamentos do concello, así como de asociacións ou colexios, o alugueiro de material audiovisual baixo rexistro e petición previa e o uso das instalacións.
A figura da orientadora laboral deste departamento é fundamental, xa que actúa como instrumento dinamizador para a veciñanza de Nigrán na consecución dun posto de traballo adecuado e adaptado a cada persoa. Así mesmo, Nigrán é o único municipio do Val Miñor que conta con esta figura.
Avda. Otero Pedrayo 52.
36350 Nigrán.
Horario xeral: luns, martes, mércores e xoves, dende as 10:00 ás 14:00 e dende as 17:00 ás 20:00 horas.
Horario de verán (os meses de xuño a setembro, ambos incluídos): luns, martes, mércores e xoves, de 10.00 a 14.00 horas.
Os venres o Centro Antena permanecerá pechado ao público por razóns organizativas.
Orientadora Laboral:
Horario xeral: de luns a venres, das 08:00 ás 15:30 horas.
Horario xeral de verán (dende o 15 de xuño ata o 15 de setembro): de luns a venres, das 08:00 ás 14:30 horas.
Axente de Emprego e Desenvolvemento Local:
Horario xeral: de luns a venres, das 07:30 ás 15:00 horas.
Horario de verán (15 de xuño ao 15 de setembro): de luns a venres, das 07:30 ás 14:00 horas.
