Deportes
No Concello de Nigrán se poden atopar numerosas entidades deportivas que dinamizan, promoven e fomentan a práctica da actividade físico-deportiva nas súas diferentes manifestacións, e miles de persoas que participan do feito deportivo desde distintas perspectivas.
Neste entorno deportivo, do que forman parte as propias entidades deportivas, deportistas, siareiros e árbitros, o Concello de Nigrán mantén o seu compromiso de traballo e responsabilidade dinamizando estratexias e liñas de apoio e financiación ás entidades, fomentando a participación activa no deporte, investindo na creación de novas infraestructuras e no mantemento das existentes, mellorando na xestión das instalacións deportivas municipais, xerando ofertas atractivas e novidosas para as diferentes inquietudes existentes ou apoiando a celebración de distintos eventos deportivos na cidade.
Asemade, a Concellería de Deportes e o Servizo Municipal dos Deportes teñen a firme intención de manter unha oferta de servicios, actividades e programas de calidade que potencien o noso sistema deportivo local e faciliten o acceso e participación da poboación na actividade físico-deportiva.
Instalacións deportivas
O Concello de Nigrán conta coas seguintes instalacións deportivas:
Pavillón municipal de Deportes de Panxón – Xurxo Otero
Complexo deportivo “Dunas de Gaifar”
Campo de fútbol municipal Condomínguez
Campo de fútbol municipal de Vilariño
Escola deportivas municipais
As Escolas Deportivas Municipais teñen como finalidade fomentar e promocionar o deporte entre mozos e maiores, potenciando a visión educativa do deporte, así como impulsando o asociacionismo deportivo.
Campus deportivos estivales
O Concello de Nigrán organiza desde finais de xuño a finais de agosto oito campus deportivos orientados a nenos e adolescente.
Eventos deportivos
O Concello de Nigrán xa é referente do deporte local e autonómico, e proximamente o será para o resto do territorio nacional. Proba de elo son os múltiples eventos deportivos de todos os niveis e modalidades que se celebran anualmente na cidade.
Algunhas das competicións máis destacadas son: Carreira Nocturna, Desafío Illas Estelas, Carreira Nigrán Area, Travesía a nado Costa Serena, Festa da bicicleta, Medio maratón Vig-Bay (Vigo-Nigrán-Baiona), Outros eventos.
Reservas pistas de tenis “Dunas de Gaifar”
Normativas e prezos das pistas
