As obras de humanización da Rúa de San Roque, adxudicadas o pasado mes de abril á empresa COPCISA por un importe total de 312.392,60 euros, finalizarán a mediados do mes de agosto. Así informa o rexedor municipal, Alberto Valverde, que avanza que se tentará que as obras estean rematadas antes da celebración das festas desta parroquia.
A conclusión desta última fase as obras, iniciadas fai máis de tres anos, supón o cumprimento dun compromiso adquirido por outros gobernos cos veciños de Camos, “que levan moitos anos esperando as obras de mellora e humanización deste viario”, observa Valverde. Así mesmo, engade que a súa finalización permitirá mellorar de forma definitiva un viario neurálxico para as comunicacións desta parroquia, así como para a comunicación co resto do municipio.
