As escolas municipais comezan hoxe en Nigrán co cartel de cheo en todas as súas modalidades. En total, máis de 800 veciños nenos, novos e adultos- gozarán este curso 2013/2014 das actividades ofrecidas a través das escolas municipais, máis de 200 nas culturais e máis de 600 nas deportivas. “Un éxito de participación sen precedentes, e que nos dá ánimos para seguir traballando nesta dirección”, observa o rexedor municipal, Alberto Valverde.
Entre as actividades deportivas figuran patinaxe artística, taekwondo e tenis para menores de 16 anos e aeróbic, ximnasia de mantemento e para maiores, ioga, taichí e tenis para maiores de 16 anos. Nas culturais repiten pintura, cerámica, torno e música.
