‘Circo na casa’, MeRe Clown

‘Circo na casa’ é un espectáculo de circo e malabares en prol da igualdade de xénero que busca concienciar sobre a importancia de colaborar nas tarefas domésticas. David Merelas é MeRe Clown, un personaxe directo, descarado e extrovertido que fai da interacción directa co público a súa marca persoal. El explica como esas pequenas cousiñas que poden resultar pesadas podémolas transformar en divertidas coa simple axuda do xogo e a imaxinación. Para este clown os roles entre homes e mulleres non están marcados. As tarefas domésticas din que hai que repartilas e non son aburridas en absoluto, pero… son tan doadas como parecen?. Con moitas torpezas, humor, malabares e equilibrios con “cousas de andar por casa” seguro que este circo ten arranxo!