VI Certame de poesía Beatriz da Serra

Este venres, 16 de xaneiro, celebrarase no Auditorio Municipal de Nigrán a entrega de premios do VI Certame de poesía Beatriz da Serra, a partir das 20:00 horas. Este certame de poesía está organizado polos Equipos de Normalización e Dinamización da Lingua galega de varios centros do Val Miñor, en colaboración co Concello de Nigrán, Baiona e Gondomar. Nomeadamente: o IES Terra de Turonio (Gondomar), o IES Escolas Proval (Nigrán), o CEIP Carlos Casares de Vilariño (Nigrán), o CPI Arquitecto Palacios (Panxón-Nigrán), o CIP Chano Piñeiro (Gondomar) e o IES Primeiro de marzo (Baiona).