Quique e Amarelle, campións de foot-vólei en Nigrán

O recinto deportivo e de lecer na praia Nigrán Area de Panxón puxo o broche de ouro ao verán deportivo cunha xornada de foot-vólei praia, que contou coa participación de dúas estrelas do fútbol, Mazinho e Michel Salgado, así como cun amplo seguimento e apoio por parte do público.

O gran nivel dos participantes foi evidente tras a eliminación dun as do balón como o ex céltico Mazinho na de grupos disputada na xornada matinal. Nas semifinais, Borja e Juaco impuxéronse a Antón e Pablo por un axustado 16-14, 15-11, e Quique e Ramiro Amarelle eliminaron a Eloy e Pablo por un contundente 15-4 e 20-18.

Xa na gran final, a vitoria foi para a parella formada por Quique, xogador do Celta de Fútbol Indoor, e o Internacional Ramiro Amarelle, que necesitaron tres sets (12-15, 15-10, 10-5) para desfacerse de Borja e Juaco. A terceira praza foi a parar a mans de Eloy e Pablo.