O Salón de Actos municipal acolleu hoxe unha xornada de portas abertas de iniciación á música clásica na que participaron medio centenar de alumnos de primaria do colexio público Humberto Juanes. Nesta actividade, os asistentes tiveron a oportunidade de achegarse á música clásica, algúns por primeira vez, a través de audicións que se foron analizando e comentando, da man de Manuel López de Benito, un dos coordinadores, xunto co exprofesor e escritor Fernando Bartolomeu.
O obxectivo da mesma é que os participantes realicen unha viaxe a través da Historia da Música Clásica, á vez que profundar no significado e o papel que a música desempeñou no devir cultural do ser humano.
“A finalidade desta actividade é conseguir que os asistentes, maiores e nenos, coñezan un pouco máis e mellor o que representou e representa a música na historia do home e, sobre todo, divertirse mentres profundan no mundo da música clásica”, explica a concelleira de Turismo, Cultura e Deporte, Liliana Silva.
